सोडता चाड जेव्हा तुम्ही
डोळ्यात धुंदी आल्यावर
बोलावं लागतं रोखठोक
असं अगतिक झाल्यावर
स्वतःची पोळी भाजण्यात
झालात तुम्ही मग्न
बघा जरा त्याच्याकडे
जणू संसार पडलाय भग्न
करत असता कैक वायदे
म्हणे मदत आम्ही देणार
भेटतील खुर्चीवाल्यास फायदे
बरं का! अशीच नोंद होणार
तुम्ही करा चर्चा वाऱ्या
बंद दाराच्या आत
थांबवा सगळ्या भूलथापा
फक्त होतो सतत घात
वाटतं कधी आता
नकोच तुमचा पैसा
वाट पाहून थकलो आहे
आभासी मृगजळ जैसा
No comments:
Post a Comment