कधी प्रवास नकळत माझा
पुसलेल्या पाऊल वाटेवर
भुलविते ओढ तुझी मला
आठवणीच्या हिंदोळ्यावर
थांबतो मी पण आता
त्या वाटेवरून जाताना
वेचतो फुले स्मरणातील फक्त
तुला माझ्यात शोधतांना
स्मरतो, रेखाटतो मनात
बालपणीचे उनाड क्षण
नव्हताच कसला हेवा-दावा
फक्त निखळ मोकळे मन
चाळतो पाने पुस्तकातील
काही हृदयात साठलेली
झाली आतुर अक्षरे आता
माझ्या लेखणीतून टिपलेली
जर नसतील पुसली अक्षरे
या हृदयात उमटलेली
शोधशील का तू?
या बंद पुस्तकात दडलेली
No comments:
Post a Comment