माझ्या कविता 63

असे आयुष्य ऊन-सावली
दुःख जरी घनदाट
हवा कशाला क्षणभर विसावा?
सर करायचीय पाऊलवाट

वाट तशी गजबजलेली 
कधी एकटी पडलेली 
असतील किती सोबतीला? 
वाटेत गुपितं दडलेली 

वाट काहीशी नागमोडी 
चढ-उतार वळणाची 
कधी आनंदी, एकांत 
लागते कसोटी आयुष्याची 

पदोपदी फासे निराळे 
भेटतील शिकारी, साव 
भेदूनी मग चक्रव्यूह
साधायचायं प्रत्येक डाव 

जिंकण्याचं बळ मिळावं 
अन ज्ञानशक्ती अफाट 
शौर्य भिनावं नसानसात 
सुकर व्हावी पाऊलवाट

माझ्या कविता 62

असा बहरला
श्रावण मास
सजली धरणी
दव मोत्यांनी

पीकात दाटे
कोवळा मोहर
बाग उमलली
कळया फुलांनी

मुक्त प्रवासी
उनाड वारे
सह सोबती
खळखळ झरे

रान पाखरे
मंजुळ गाणे
मन हळवे
भुलून जाते

माझ्या कविता 61

संसाराचा ओढत गाडा

वाटतयं आता थकतो आहे;

कधी उपकाराच्या ओझ्याखाली

पण नक्कीच दबतो आहे.

आयुष्याच्या अंधारातून

पाऊलवाट काढतो आहे;

कधी संकटाच्या छायेतून

मोकळा श्वास शोधतो आहे. 

परोपकाराच्या नावाखाली 

का मी बळी पडतो आहे?

कधी नव्हतेच कुणी सोबतीस

तरी एकाकी लढतो आहे.

अंबराला मानून छत

मी संसार मांडतो आहे.

कधी भूमातेच्या पदराखाली

शांतपणे निजतो आहे.

संसाराचा ओढत गाडा

वाटतयं आता थकतो आहे....

माझ्या कविता 60

 विठू तुझ्या अंगणी
जमला वैष्णवांचा मेळा
मुखी फक्त हरिनाम
कंठी तुळशीच्या माळा

सख्या काय तुझे रूप
असे लाजवते नभा
जन दर्शन देण्या तू
युगे अठ्ठावीस उभा

विसरुनी देहभान
आले वैष्णव तुझ्या दारी
इथे लाभे स्वर्गसुख
नित्य घडो आनंदवारी

माझ्या कविता 80

 घेशील झेंडा कोणताही 
असेल तीच टोळी 
बदल म्हणजे स्वप्न 
हीच राजकीय खेळी

सारीपाटातील प्यादी 
नाहक जाते बळी 
भग्न आमची चुल 
तिथे भाजते पोळी

अशी भिनवली नसानसात
निष्ठावंत ची गोळी 
तिथे भयाण मृगजळ 
इथे आयुष्याची होळी

तूच आहेस शिल्पकार 
हे शिकवले वेळोवेळी 
स्वराज्य विचार आपला 
भर आनंदाने झोळी

माझ्या कविता 81

लंबे अरसे से निशब्द था।
लेकिन दिल की ये हकीकत
कलम से बयां करता हूं।
चलो आज मैं कुछ लिखता हूं।

यु तो किसी को दुख देना
मेरा मकसद ही नहीं।
पर कुछ समा है दिल में
उसे छुपाना जरुरी नहीं।
मिले कभी सुकुन के दो पल 
अब दिल की खामोशी को 
अपनी कलम से आवाज देता हूं।
चलो आज मैं कुछ लिखता हूं।

मैं हूं बस एक मुसाफिर
ढूंढता मंजिल नयी हर पल।
वो कितना भी भटक जाए रास्ता
बनी को बिगड़ना मेरी ख्वाईश नहीं।
मिले उन्हे उनकी मंजिल
बस ये दुवा बयां करता हूं।
चलो आज मैं कुछ लिखता हूं।

जी लो जिंदगी खुशी से अब
किसीको टोकना मेरा मकसद नहीं।
मैं ठहरा एक कलमवाला 
दुनिया का सुकून मांगता हूं।
लंबे अरसे से निशब्द था।
चलो आज मैं कुछ लिखता हूं।