नमन श्री गणेशा । कृपा करा मज देशा ।
संकट हे अपार । तारावे जी के ॥
संकट हे अपार । तारावे जी के ॥
देवा तुझीच लेकरे । आस लावती बापडे ।
कर उद्धार तयांचा । हेच माझे साकडे ॥
अशी भयंकर महामारी । बेतली आयुष्यावरी ।
सोड तयातूनी आम्हा । सांगावा काय दोष ॥
तुच असे ठायी । वंदन तुझ्याच पायी ।
ऐका आर्त हाक । एका पामराची ॥
जीवा लागे घोर । रात्रंदिन विचार ।
संकटात माझी । सर्व प्राणीजात ॥
साधू संत लिहती । ऐसी घटा येईल ।
जग बंदी होईल । काही काळ मास ॥
जरी असेल कर्म । वा तयांचे प्रारब्ध ।
होतील मुक्त सारे । दावा आम्हा मार्ग ॥
असा व्हावा साक्षात्कार । अवतार दिव्य पुरुष ।
करावे पापमुक्त । सकळ जना ॥
तेही तुझेच रूप । आनंदी प्राणीजात ।
येईल तो दिन । रामा म्हणे ॥
No comments:
Post a Comment